Сурет: Қазақстан Республикасы Денсаулық сақтау министрлігі
Әртүрлі бейіндегі 30 медицина қызметкерінен тұратын команда құрамында терапевтер, хирургтер, педиатрлар, кардиологтер, невропатологтер, ЛОР дәрігерлері, офтальмологтер, стоматологтер, гинекологтер, урологтер, психологтер және функционалдық диагностика мамандары бар. Сондай-ақ емделушілерге ЭКГ, флюорография, гастроскопия, зертханалық зерттеулер де қолжетімді. Қажет болса, шағын хирургиялық ем-дом жасауға мүмкіндіктері бар. Маршрутпен қамтылған елді мекендердің тұрғындары медициналық сақтандырудың болуына қарамастан тегін кеңес пен диагностикалық тексерулер жасата алады.
Бұл жобаның мақсаты – ауыл тұрғындарын сапалы және қолжетімді медициналық көмекпен қамтамасыз ету. Жоба Денсаулық сақтау министрлігінің, «Samruk-Kazyna Trust» қорының, сондай-ақ Президент жанындағы Әйелдер істері және отбасылық-демографиялық саясат жөніндегі ұлттық комиссияның қолдауымен іске асырылып отыр.
Пойыз «Денисовка» стансасында бірнеше күн аялдайды, одан соң маршрут бойынша Қостанай облысының басқа аудандарына сапарын жалғастырады.
