Бағаның өсуіне негізгі себеп – өндіруші кәсіпорындардың өз бағаларын 16,9%-ға көтеруі. Сонымен қатар, импорттық өнім де 10%-дан астам қымбаттаған.
Нарықтағы балмұздақтың 85%-ға жуығы – отандық өнім. 2024 жылдың алғашқы төрт айында елде 16,6 мың тонна балмұздақ өндіріліп, оның 15,3 мың тоннасы ішкі нарықта сатылған. Экспорт көлемі 41,6%-ға артқан.
Жыл басынан бері тұтыну көлемі де өсті. Әр қазақстандық орта есеппен 1,8 кг балмұздақ жеген. Жазғы маусымда бұл көрсеткіш 9 дана балмұздаққа тең келеді.
