Бұл – еңбегі көпшілікке көрінбесе де, әрбір тұрғынның күнделікті өмірінде аса маңызды рөл атқаратын мамандарға деген құрмет пен алғыс рәмізі. Қала күніне орай ашылуының мәні де соны меңзейді.
Жоба аясында жол бөлігі кеңейтіліп, 70 көлікке арналған автотұрақ, 33 жарық шам, 18 жиынтық орындық пен қоқыс жәшігі орнатылды. Сонымен қатар балалар мен спорт алаңдары, воркаут аймағы, 7 жаттығу құрылғысы жабдықталды.
2018 жылы қаланың 20 жылдығы мен «Астана су арнасы» кәсіпорнының 60 жыл-
дығына орай орнатылған «Су арнасы» монументі де көрнекті орынға ауыстырылып, қайта орналастырылды.
«Сала ардагерлеріне – осы істің бастауында тұрған, білімі мен тәжірибесін кейінгі ұрпаққа мұра еткен жандарға ерекше алғыс білдірдім. Бұл аллея – елорда тіршілігінің үздіксіз жұмысын қамтамасыз етіп жүрген қарапайым еңбек иелерінің еңбегіне деген ризашылықтың нақты көрінісі», деді Астана қаласы мәслихатының төрағасы Табиғат Зейнұлқабден.
