Қытай жасанды интеллект саласында инфрақұрылымын белсенді түрде дамытып жатыр. «Strider Technologies» компаниясының жаңа есебіне сүйенсек, ел аумағында 250-ден астам ЖИ бағыттағы деректер орталығы жұмыс істейді. Енді Қытай билігі мен жекеменшік компаниялар бұл жүйені орбитаға шығарып, ғарышта да есептеу желілерін құруға кіріскен. АҚШ билігі бұл қарқынды тежеу үшін озық чиптер мен технологиялардың экспортын шектеп жатыр. Алайда сарапшылардың пікірінше, мұндай шектеулер енді Қытайды тоқтата алмайды.
