Ол үшін ЭЦҚ арқылы авторизациядан өту жеткілікті. Жүйе автоматты түрде азаматтың үйі бар-жоғын, табысын, отбасы құрамын және мұқтаждық мәртебесін 14 түрлі мемлекеттік дерекқормен байланыстыра отырып тексереді. Өтініш қаралғаннан кейін шешім туралы хабарлама азаматтың телефонына 1414 қысқа нөмірінен «SMS» арқылы келеді. Онда өтінімнің мақұлданғаны немесе кері қайтарылғаны көрсетіледі. Қосымша ақпарат алу үшін «eGov Mobile» қосымшасын ашып, басты бетіндегі «Танымал қызметтер» бөлімінен тұрғын үй кезегіне қатысты анықтамалық мәліметтерді оқуға болады. Мұнда өтінім беру талаптары мен қажетті шарттар берілген.
