Есеп инфрақұрылымды цифрландырудың жалғасуы аясында негізгі бағыттардың үдемелі дамуын, нарықтық позициялардың нығаюын және сауда көлемдерінің өсуін көрсетті.
Тиісті көрсеткіштер мұнай өнімдері мен көмірден сұйытылған газ бен цементке дейінгі сауданың стратегиялық маңызды секторларындағы тұрақты серпінді көрсетеді.
Биржалық мәмілелердің жалпы көлемі 2024 жылы $746 млн құрады, оның $617,6 млн шикізат, $75,4 млн — материалдар, $43,6 млн — жабдық, $3,4 млн — техника және $6 млн — өзге де санаттар.
Жыл қорытындысы бойынша биржа 12 962 мәмілені тіркеді, ал жеткізушілердің жалпы саны 687 құрады.
Баяндамада негізгі тауар секциялары бойынша сауда-саттық қорытындылары ұсынылды. Ең үлкен көлем $248,3 млн мұнай өнімдеріне — битум, бензин, дизель және авиациялық (реактивті) отынға тиесілі.
Биржалық тауарлармен (оның ішінде көмір, цемент, ауыл шаруашылығы өнімдері және т. б.) сауда көлемі $185,6 млн құрады.
Жер қойнауын пайдаланушылар үшін тауарларды сатып алу санатындағы биржалық мәмілелер (оның ішінде қатты пайдалы қазбалар, көмірсутек шикізаты бойынша) $264,3 млн-ға бағаланады.
Өтімді емес мүлік пен негізгі құралдарды (ғимараттарды, құрылыстарды, жер учаскелерін қоспағанда) сату шеңберіндегі биржалық мәмілелер көлемі $2,8 млн құрады.
Биржаның 2024 жылғы негізгі жетістіктерінің қатарында сауда-саттықтың икемділігі мен ашықтығын жақсартқан қосарланған қарсы аукцион режимінде бағдарламалық-техникалық платформаның жаңартылған модулін енгізу (trade.ccx.kz) бар.
Өткен жылы биржа жарғылық капиталды 2,5 млрд теңгеге (~5 млн) дейін ұлғайту жолымен капиталдандыруды жүргізді.
Бұдан басқа, биржа S&P Global агенттігінің (процентиль – 87/100) халықаралық ESG бағалауынан өтті және экологиялық әсерді есепке алу бойынша жұмысты жалғастырды, оның нәтижелері 2022 және 2023 жылдардағы Көміртегі ізі туралы есепте көрініс тапты.
2024 жылы «Каспий» биржасының командасы алғаш рет Тұрақты даму туралы жария есепті ұсынды. Құжат корпоративтік жауапкершілік, қоршаған ортаны қорғау, процестердің ашықтығы және еңбек жағдайлары мәселелерін қоса алғанда, биржаның тұрақты даму саласындағы стратегиясын белгілейді. Есеп сауда-саттыққа қатысушылар, серіктестер және реттеуші органдар үшін маңызды тұрақты дамудың сандық және сапалық көрсеткіштерін ашады.
Жарияланған мәліметтерге сәйкес, алаңдағы сауда-саттықтың орташа тәуліктік көлемі 1,2 млрд теңгеге жетті, әйелдер ұжымның үштен бірін құрайды, Директорлар Кеңесі құрамының 66%-ы тәуелсіз мүшелер, ал әрбір қызметкер жылына орта есеппен 56 сағат оқудан өтті.
Бұл ретте бірде-бір сыбайлас жемқорлық құқық бұзушылық немесе ақпараттық қауіпсіздікке қатысты келеңсіз оқиға анықталған жоқ. LTIFR коэффициенті (уақытша еңбекке жарамсыздығы бар жарақат жиілігінің көрсеткіші) де нөлге тең болды.
2024 жылы «Каспий» тауар биржасы» АҚ» «Атамекен» ҰКП жанындағы Тұрақты даму және ESG жөніндегі кеңестің құрамына кірді, оған жеке және квазимемлекеттік секторлардың, ұлттық холдингтер мен даму институттарының, өнеркәсіптік кәсіпорындардың, қауымдастықтардың, халықаралық компаниялардың, сараптамалық бірлестіктер мен консалтингтік компаниялардың, қаржы секторының және депутаттық корпустың өкілдері кіреді.
Сонымен қатар, «Каспий» тауар биржасы Еуропалық Энергетикалық биржалар қауымдастығына (EUROPEX) Қауымдастырылған мүше ретінде қосылып, Біріккен Ұлттар Ұйымының (UN Global Compact) жаһандық шартының толыққанды қатысушысы болды.
«Біз үшін сауда-саттықтың өсуін қамтамасыз ету ғана емес, сонымен қатар халықаралық стандарттар деңгейінде биржалық инфрақұрылымды дамыту да өте маңызды. Біз технологияларға инвестиция салуды жалғастырамыз, процестердің ашықтығын күшейтеміз және тұрақты, бәсекеге қабілетті сауда ортасын қалыптастыруға ұмтыламыз», — деп атап өтті «Каспий» тауар биржасы» АҚ президенті Мұрат Қадисов.
«Каспий» биржасының басшысы сондай-ақ 2024 жылы CSR стратегиясын іске асыру шеңберінде мұқтаж отбасыларға-қысқы кезең қарсаңында азық-түлік себеттері мен отын түрінде қайырымдылық көмек көрсетілгеніне назар аударды. Сонымен қатар, «Каспий» командасы 2014 жылдан бері қолдап келе жатқан дзюдошы Ақмарал Науатбекті Париждегі Паралимпиада ойындарындағы жеңісімен құттықтады.
Қауымдастықтың жыл сайынғы жиналысының бағдарламасы ХБҚ-ның 25 жылдығына және Беларусь әмбебап тауар биржасының 20 жылдығына орайластырылғанын айта кетейік. Жиналыс цифрлық трансформация мен ашықтықты арттырудан бастап тауар, қор және валюта нарықтарын дамытудың стратегиялық бағыттарына дейінгі қазіргі экономикадағы биржалардың рөлін талқылауға арналған кеңістік болып табылады.
