Фото: Ашық дереккөз
«Құрметті достар!
Баршаңызды Құрбан айт мерекесімен шын жүректен құттықтаймын!
Бұл – адамдарды адалдыққа, имандылыққа және жанашырлыққа шақыратын қасиетті мейрам. Осы күндерде жақсылық жасауға, қамқорлық танытуға және ізгі амалдар істеуге баса мән беріледі. Мұның бәрі қоғамда мейірім мен ынтымақтың нығая түсуіне ықпал ететін игілікті істер екені анық.
Құрбан айтта дәріптелетін құндылықтар дін мен дәстүр сабақтастығының жарқын көрінісі. Сондықтан осы мерекенің ұлттық мүдде тұрғысынан да маңызы зор.
Тағылымы мен тәлімі мол мейраммен құттықтай отырып, тәуелсіз Қазақ еліне құт-береке және әр отбасына амандық тілеймін!
Ниеттеріңіз бен дұға-тілектеріңіз қабыл болсын!», делінген аталған құттықтауда.
