Қысқартып айтсақ, оқиға былай болған. 1980 жылдардың басында дыбыс режиссері Марк Манджини «Лео» атты арыстанның ақырғанына көңілі толмайды. Өйткені «Кино басталар сәттегі дауыс барынша сұсты әрі әсерлі болу керек», дейді ол. Сөйтіп, режиссер ойлана келе, студия логотипіндегі рөлге жолбарыстың ырылын пайдалануға бел буады. Бұл идеяның нәтижесі де жаман болған жоқ. Көрермендер әлі күнге дейін сол жасанды дыбысты арыстанның ақыруы деп ойлайды. Мінеки, бұл – кино әлеміндегі жасырын әрі шебер қолданылған әдістердің бірі.
