фото: ашық дереккөз
Конкурс бойынша Еуразия Лигасының Әлем Кубогындағы кезеңдері мынадай. (FEI CSI 1*-W) және атпен мәнерлеп жүру (FEI CDI 1*) .
Бұл сайыстар Халықаралық ат спорты федерациясының (FEI) ресми қолдауымен өткізіледі. Жарысқа Армения, Грузия, Иран, Қырғыз Республикасы, Өзбекстан мен Қазақстаннан келген 60-қа жуық спортшы қатысады. Қатысушылар күш-қайрат, шапшаңдықты қажет ететін спорт түрлерінен бақ сынайды.
Конкур – жылқы мен шабандоздың әртүрлі биіктіктегі кедергілерден өту шеберлігін бағалайтын олимпиадалық бағыт. Бұл спорт түрінің мақсаты – белгіленген қашықтықты мүмкіндігінше тез әрі қатесіз еңсеру. Атпен көркем жүру – шабандоз бен аттың арнайы алаңда белгілі бір тәртіппен қозғалыстар орындауын талап ететін жоғары деңгейлі спорт бағыты. Қазақстанда мұндай дәрежедегі спорт түрінен жарыс өткізілуі – елдегі ат спортының даму үдерісін және оған деген қызығушылықтың артқанын көрсетеді.
Бұл дода отандық спортшылар үшін тәжірибе жинап, үздік халықаралық қарсыластармен сайысуға, сондай-ақ маңызды турнирлерге жолдама иеленуге мүмкіндік береді.
Жүлде қоры 24 000 АҚШ долларын құрайды.
Өтетін орны: «Арғымақ» АССК, Астана қ., Қарқаралы тас жолы, 1.
Өту мерзімі: 2025 жылғы 30 мамыр – 1 маусым.
Басталуы: сағат 09:00.
Кіру еркін.
2025 жылға жоспарланған Еуразиялық лига аясындағы Әлем Кубогының кезеңдері келесі қалаларда өтеді: Ташкент – 1 (Өзбекстан), Ташкент – 2 (Өзбекстан), Бішкек – 3 (Қырғызстан), Астана – 4 (Қазақстан), Тбилиси – 5 (Грузия), Тбилиси – 6 (Грузия), Ереван – 7 (Армения), Тегеран – 8 (Иран).
Лига аясында өтетін «Grand Prix» санатындағы негізгі маршрут нәтижесінде 2025 жылғы конкур бойынша Әлем Кубогының финалына қатысу жолдамасы сарапқа салынады.
ҚР Ат спорты федерациясының баспасөз қызметі
БАҚ өкілдеріне арналған байланыс: +7 705 185 6366, +7 777 483 9118
Дамира Төлеген,
ЕҰУ студенті
