Нұрқанат Гайпбаев өзінің жауабында оқиға орнында екі әйел адамның болғанын айтып өткен. Оның сөзінше, олардың бірі дүкеннің есігін сыртынан жауып тұрған, ал екіншісі көліктен пышақ әкеліп, оны күдіктілерге берген. Сонымен қатар, марқұм мылтықты өзі әкелмегенін, оған қарай оқ атылғанын және кейіннен қаруды күдіктілердің қолынан көргенін мәлімдеген.
Осыдан кейін сотта куәгерлер ретінде Талғат Әшірбай мен Әділ Тілеубекұлы тыңдалды. Екі куәгер де марқұм Нұрқанаттың қолында мылтық болғанын растады. Жалпы, бүгінгі отырыста он шақты куәгерден жауап алынды. Олардың арасында күдіктілердің таныстары, бұрынғы сыныптастары, сондай-ақ айыпталушылардың бірін ұстаған патрульдік полиция қызметкерлері болды.
Сот процесінде кәмелетке толмағандардың жауаптары бейнежазба арқылы көрсетілді. Бұл іс қоғамда үлкен резонанс тудырғандықтан, процестің әр кезеңі жіті назарда болуда.
