Фото: parlam.kz
Бастапқыда дәрігерлер әкімнің орынбасарының жағдайын ауыр деп бағалаған.
«Науқасқа оң жақ кеуде қуысындағы оқтың енуінен пайда болған жарақат әсерінен оң жақ өкпе төменгі бөлігінің, қабырға аралық артериялар мен диафрагманың көп жері зақымданған; оң жақтан болатын гемопневмоторакс. Сонымен қатар, іш қуысының көп жарақаттары бауырдың зақымдануына, ішкі қан кетуге, оң жақ бүйрек, иық пен білекке оқтың тиюіне байланысты сыртқы қан кетуге әкелген. Плевропульмоналдық және геморрагиялық шок тіркелді», деп хабарлады Шымкент қалалық денсаулық сақтау басқармасы.
Әкім орынбасарына шабуыл 21 сәуір күні кешкі уақытта, қалалық әкімдік ғимаратының жанында жасалған. Руслан Берденов оқ жарақатын алып, ауруханаға жатқызылды.
Айта кетейік, күдікті қамауға алынды. Шабуылға қатысты қылмыстық іс қозғалып, тергеу жүріп жатыр.
