Ел жастарының ең көп бөлігі тұратын Алматыда инклюзивті орта құруға және ерекше қажеттіліктері бар жастарды қолдауға бағытталған «Әрбір адам маңызды» жобасын іске асыру жалғасуда. Мамандардың айтуынша, бұл жобаны мемлекеттік қолдау шешуші рөл атқарады. Себебі Инклюзивті бағдарламаларды жүзеге асыру – тек әлеуметтік әділеттілік мәселесі ғана емес, сонымен қатар Алматының тұрақты дамуына бағытталған мемлекеттік саясаттың маңызды бөлігі.
Алмаз Кеңесбай, жоба орнықты институционалдық және қаржылық қамтамасыз ету негізінде іске асырылып жатқанын атап өтті.
«Мемлекеттік ресурстар материалдық-техникалық базаны нығайтуға бағытталуда. Онсыз барлық жастардың өзін өзі жүзеге асыру мүмкіндіктеріне тең қол жеткізуін қамтамасыз ету мүмкін емес. Жобаның маңызды бөлігі – барлық деңгейдегі ұйымдармен өзара іс-қимыл орнату. Бұл жекеменшік сектордан бастап, білім беру мекемелері мен үкіметтік емес ұйымдарға дейін жалғасады. Жоба бір реттік бастама емес, Алматыда инклюзивті қоғам құру стратегиясының бір бөлігі» дейді ол.
Жобада әлеуметтік интеграцияға ерекше назар аударылады. Тұрақты мониторинг жүргізіліп, қажет болған жағдайда бағдарламаға ағымдағы қажеттіліктерге сәйкес келетіндей өзгерістер енгізілмек.
