Фото: Reuters
«Медицина қызметкерлері жарықшақтан жеңіл жараланған 30 жастағы ер адамға алғашқы көмек көрсетіп, оны Барзилай ауруханасына жөнелтті. Сонымен қатар, зымыран шабуылы кезінде үрейге бой алдырған және қорғаныс паналарына бара жатқан жолда жарақат алған бірнеше азаматқа көмек көрсетілуде», делінген жедел жәрдемнің ресми хабарламасында.
Бұған дейін Израиль Қорғаныс армиясының баспасөз қызметі елдің оңтүстігіндегі бірнеше ауданда әуе дабылдары іске қосылғанын хабарлаған. Әскерилердің мәліметінше, Газа секторынан палестиналық радикалдар шамамен 10 снаряд атқан. Олардың жартысы әуеде жойылғанымен, кейбірі жерге түскен. Дабыл сиреналары Ашкелон, Ашдод қалаларында және маңайдағы елді мекендерде қосылды.
