Облыстық денсаулық сақтау басқармасы басшысының міндетін атқарушы Ерік Мұсабаевтың айтуынша, Жамбыл облысында жүрек-қан тамырлары аурулары бойынша жыл ішінде 88066 адам тексеруден өткен. Олардың 8,21 пайызы немесе 7404 адамнан ауру анықталып, диспансерлік есепке қойылған.
«Бұдан бөлек, қант диабеті бойынша да 88 мыңнан астам тексерілді. Олардың 1,20 пайызы немесе 1081 адамның дертті екені белгілі болып, есепке алынды. Ал глаукомаға тексеруден өткен азаматтардың 173-і дертке шалдыққаны анықталды.
Сондай-ақ, сүт безі обыры бойынша 51 420 әйел маммографиядан өтті. 10 309 әйелден (20,0%) ауру анықталып, диспансерлік есепке алынды. Ал жатыр мойны обыры бойыша 47 541 әйел цитологиялық зерттеуден өткізілді. 2 297 адамнан (4,8%) ауру анықталып, олар да диспансерлік есепке тіркелді», дейді басқарма басшысының міндетін атқарушы.
Жамбыл облысы
