Сурет: gov.kz
Саран индустриалды аймағындағы «Silk Road Electronics» ЖШС алаңында өткен маңызды жиынға комитет төрағасы Сұлтанбек Мәкежанов бастаған Сенат депутаттары, өнеркәсіп және құрылыс министрлігі мен ұлттық экономика министрлігінің басшылары, Қарағанды облысы әкімдігі мен жергілікті кәсіпорынның жетекшілері қатысты.
Алқалы басқосудың барысында «Saran» индустриялық аймағын дамытудың алдағы жоспарын, салық саясаты, салық жеңілдігінің тиімділігі талқыланды. Сонымен қатар өнеркәсіп жобаларын іске асыру, болат құбырлар өндірісі мен металл бұйымдарды мырыштау ісі, қайта өңдеудегі тиімділік турасында да пікір ортаға салынды.
Бизнес өкілдері тарапынан мәселелер де ашық айтылып, оларды шешу тетіктері талқыланды. Әрмен қарай жиында айтылған ұсыныс төңірегінде де жұмыстар атқарылады.
Сонымен қатар меймандар «Tengri Tyres» және «Qaztehna» серіктестері секілді индустриялық аймақтың жетекші кәсіпорындарында болып, өндіріс қуатымен, өнеркәсіп әлеуетімен танысты.
Қарағанды облысы
