«Жыл басынан бері ауданда 48 отбасы жаңа баспанаға қол жеткізген еді, енді міне, тағы 16 отбасы баспаналы болды. Бұл – мемлекет тарапынан көрсетіліп жатқан қамқорлықтың, әлеуметтік қолдаудың жарқын үлгісі», – деді Р.Атшабаров.
Пәтер кілтін алған көпбалалы ана Айнұр Смағұлова: «Мен 10 жыл бойы тұрғын үй кезегінде тұрдым. 5 бала өсіріп отырмын. Тәуелсіздік мерекесі алдында арманымыз орындалды. Балаларым ендігі жерде өз шаңырағында алаңсыз өмір сүріп, жақсы білім алатын болды. Біздің үй алуымызға мүмкіндік жасаған ел азаматтарына ризашылығымды білдіреміз», – деп жүрекжарды алғысын жеткізді.
Қарасай ауданында ел игілігіне бағытталған мұндай іс-шаралар алдағы уақтытта да жалғасын таба бермек.
