Ажалдың аяқ астынан екендігіне «Теңіз» кенішінде вахталық әдіспен еңбекке тартылған жұмысшылардың біреуінің өмірден озуы дәлел болғандай. Осы оқыс оқиға 26 қаңтарға қараған таңда тіркелген. «Теңіз» кенішіндегі мердігер компанияның бірі – «Имстальком» серіктестігінде қызмет ететін Шығыс Қазақстан облысының 1973 жылы туған азаматы жұқпалы дерттен клиникада таңғы 5 сағат 15 минутта көз жұмған. Алайда Жылыой аудандық тұтынушылар құқығын қорғау басқармасына жергілікті уақытпен 9 сағат 15 минутта «Теңізшевройл» серіктестігінің вахталық қалашығындағы клиникаға екі сырқаттың жеткізілгені туралы ғана мәлімет түсіпті.
Көз жұмған азаматтың жанында жүрген тағы бір жігітке әуелі Жылыой аудандық орталық ауруханасының жұқпалы аурулар бөлімшесінде ем жасалып, кейін облыс орталығына жеткізіліпті. Дәрігерлер науқас жанға әзірге «менингит-менингококкцемия» диагнозымен ауырған деп болжам жасап отыр. Науқастан мынадай ауру белгілері анықталыпты, яғни оның дене қызуы 37 градусқа дейін көтеріліп, әлсіздік, аяғында гемморагациялық бөртпе пайда болған. Онымен бірге жұмыс істейтін тағы 3 адам «Теңізшевройл» серіктестігінің клиникасында оқшауланып, дәрігерлердің қатаң бақылауына алынды. Бұл жігіттерден әзірге ауру белгілері анықталған жоқ.
«Қазір облыстық деңгейде құрамында инфекционист, эпидемиолог-дәрігер, вирусология және бактериология зертханасының меңгерушілерінен жасақталған арнайы бригада құрылып, Жылыой ауданына іссапарға жіберілді. Қажетті шаралар атқарылып, ауру шыққан жерде эпидемияға қарсы жұмыстар жасалуда. Барлық жағдай жіті бақылауда», деп мәлімдеді Атырау облысы әкімдігінің баспасөз қызметі.
Жолдасбек ШӨПЕҒҰЛ,
«Егемен Қазақстан».
Атырау облысы.
Көз жұмған азаматтың жанында жүрген тағы бір жігітке әуелі Жылыой аудандық орталық ауруханасының жұқпалы аурулар бөлімшесінде ем жасалып, кейін облыс орталығына жеткізіліпті. Дәрігерлер науқас жанға әзірге «менингит-менингококкцемия» диагнозымен ауырған деп болжам жасап отыр. Науқастан мынадай ауру белгілері анықталыпты, яғни оның дене қызуы 37 градусқа дейін көтеріліп, әлсіздік, аяғында гемморагациялық бөртпе пайда болған. Онымен бірге жұмыс істейтін тағы 3 адам «Теңізшевройл» серіктестігінің клиникасында оқшауланып, дәрігерлердің қатаң бақылауына алынды. Бұл жігіттерден әзірге ауру белгілері анықталған жоқ.
«Қазір облыстық деңгейде құрамында инфекционист, эпидемиолог-дәрігер, вирусология және бактериология зертханасының меңгерушілерінен жасақталған арнайы бригада құрылып, Жылыой ауданына іссапарға жіберілді. Қажетті шаралар атқарылып, ауру шыққан жерде эпидемияға қарсы жұмыстар жасалуда. Барлық жағдай жіті бақылауда», деп мәлімдеді Атырау облысы әкімдігінің баспасөз қызметі.
Жолдасбек ШӨПЕҒҰЛ,
«Егемен Қазақстан».
Атырау облысы.
