«Таза Қазақстан», «Таза жағалау», «Таза орман», «Бұлақ көрсең – көзін аш», «Қоқыс жоқ!» акцияларына оқушылар, жергілікті тұрғындар, жергілікті бизнес қоғамдастық өкілдері, 500-ден астам еріктілер қатысты.
«Құмырсқа илеуі» акциясы барысында еріктілер құмырсқа илеулерін қоршады. «Тыныста, тал бұтақ!» акциясы ағаш бұтақтарын олардың өсуіне кедергі келтіретін ескі байлаулардан босатуға көмектесті және ағаштардың зақымдануын болдырмады.
«Эко-қозғалыс қарқын алып, ұлттық парк инспекторларының жұмысына елеулі қолдау көрсетіп отырғанын байқау, сезіну – өте қуанышты. Еріктілер саны мен олардың экологиялық сана-сезімі, хабардар болу деңгейі өсіп келеді. Еңбек ұжымдары бізге көмек қолын ұсына бастады. Бұл өте жақсы белгі», деп атап өтті «Бурабай» МҰТП бас орманшысы Бауыржан Махметов.
Бұл іс-шаралар экологиялық тепе-теңдікті қолдауда ғана емес, жас қазақстандықтарды экологиялық тәрбиелеуде де маңызды қадам болды.
«Мұндай акцияларға қатысқан сайын мен табиғатымыздың болашағы үшін жауапкершілікті сезінемін. Өз жұмысыңның нәтижелерін және таза орманды көру – керемет сезім», – дейді Бурабай кентіндегі Сәкен Сейфуллин атындағы мектептің оқушысы Камила Мүсілімова.
«Бурабай» МҰТП дирекциясы биылғы экологиялық акциялар маусымының аяқталғанын жариялады, бірақ парк қызметкерлері, еріктілер де табиғатты қорғау мәселелеріне қызығушылық келесі жылы да арта түсетініне сенімді.
