АҚТАУ. 26 сәуір. Маңғыстау облысында сайлау белсенді өтіп жатыр. Бұл туралы egemen.kz тілшісі хабарлады.
Облыстық сайлау комиссиясының хабарлауынша, Маңғыстауда түскі сағат 12.00-ге дейін 107547 адам дауыс берді. Бұл дауыс беру көрсеткіші 34,12 пайызды құрады деген сөз. Нақтырақ айтсақ, түске дейін сайлаушылардың Ақтау қаласында 32,42 %, Жаңаөзен қаласында 33,31 %, Бейнеу ауданында 37,26 %, Қарақия ауданында 35,74 %, Маңғыстау ауданында 35,09 % және Мұнайлы ауданында 34,96 %-ы дауыс беруге келген.
Биылғы ҚР Президентінің кезектен тыс сайлауына Маңғыстау облысы бойынша қатысатындар саны 315 мың 202 адамды құрап отыр. Бұл көрсеткіш 2011 жылы 3 сәуірдегі ҚР Президенті сайлауында 256 мың 779 адам болған.
Гүлайым Шынтемірқызы.
Дерек: egemen.kz
Сурет: Талант Құсайын.