Шымкентте прокурорлық актімен арыз иесінің еңбек құқығы қорғалды

АСТАНА. 11 маусым. Оңтүстік Қазақстан облыстық прокуратурасы өңірдің білім басқармасына қарасты көзі нашар көретін балаларға арналған «Үміт» мектеп-интернатының бұрынғы директоры З.Мұстафаның атқарып отырған қызметінен босату туралы сот актісімен келіспей жазған арызын қарады. Бұл туралы Оңтүстік Қазақстан облыстық прокуратурасының сотта мемлекет мүддесіне өкілдік ету басқармасы хабарлады. Нақты айтсақ, Шымкент қаласы Абай аудандық сотының 2015 жылғы 19 қаңтардағы шешімімен талапкер З.Мұстафаның жауапкер «Оңтүстік Қазақстан білім басқармасы» мемлекеттік мекемесі тәртіптік кеңес отырысының хаттамасын, қызметінен босату туралы бұйрықты заңсыз деп тану, бұрыңғы қызметіне қайта орналастыру, лажсыз бос жүрген уақытына жалақы және моральдық зиянды өндіру туралы талап арызы ішінара қанағаттандырылды. Нәтижесінде талапкер жұмысына қайта орналастырылып, амалсы бос жүрген уақытының жалақысы өндірілді. Облыстық соттың азаматтық және әкімшілік істер жөніндегі апелляциялық сот алқасының 2015 жылғы 6 сәуірдегі қаулысымен бірінші сатылы сот шешімінің қызметтен босату туралы бұйрықты заңсыз деп тану, бұрынғы қызметіне қайта орналастыру, лажсыз бос жүрген уақытына жалақы өндіру туралы бөлігі өзгертіліп, талаптың осы бөлігінде қанағаттандырусыз қалдыру туралы жаңа шешім қабылдап, талапкер З.Мұстафа атқарып отырған қызметінен босатылған. Облыстық прокуратурамен З.Мұстафаның арызын қарау нәтижесімен, апелляциялық алқаның қаулысына 2015 жылы 27 мамырда кассациялық наразылық енгізілді. Облыстық соттың кассациялық сот алқасының 2015 жылдың 3 маусымындағы қаулысымен прокурордың наразылығы қанағаттандырылып, сот актісі заңдастырылып, талапкер З.Мұстафа бұрынғы қызметіне қайта орналастырылды. Осылайша, прокурорлық актімен арыз иесінің еңбек құқығы қорғалды. Еламан Қоңыр. Дерек: Оңтүстік Қазақстан облыстық прокуратурасының сотта мемлекет мүддесіне өкілдік ету басқармасы. Сурет: otyrar.kz.