Қазақстан президенттігіне Кореядағы сайлаушылар бірінші дауыс берді

АСТАНА. 26 сәуір. Қазіргі күндері Оңтүстік Кореяда турнеде жүрген Қазақстан армияшыларының таэквондодан құрама командасының мүшелері Қазақстан Президенті үшін сайлауда бірінші болып дауыс беру құқығына ие болды. Бұл туралы Қазақстан Қорғаныс министрлігінің баспасөз қызметі хабарлады. «Уақыттың айырмашылығына қарай Қазақстан Қорғаныс министрлігі Орталық армия спорт клубы таэквондо командасының ойыншылары Қазақстан Республикасы Президентінің сайлауында Астана қаласының тұрғындарынан бес сағат бұрын дауыс берді», - делінген хабарламада. Корей түбегінде жүрген қазақстандық армияшылар сайлауда дауыс беру үшін Инчхон қаласынан арнайы сайлау учаскесі ашылған Сеулге арнайы келген. Әскери қызметкерлердің бірі Алмас Мұқамановтың айтуынша, еліміздің болашағы қазір біздің әрбіріміздің қолымызда тұр. «Мен Қазақстан Республикасына қызмет етемін және президент сайлауына қатысуды өзімнің азаматтық борышым санаймын. Біз қайда жүрсек те, әрбір қазақстандықтың дауысы мұндай кезде маңызды болып табылады», - деп атап көрсетті ол. Айта кетуіміз керек, бүгін қазақстандық әскери қызметкерлер әлемнің тағы Ресей, Беларусь, Украина, Түркия, АҚШ, Қытай, Ұлыбритания, Германия және Үндістан секілді елдерінде іспасарларда жүр. Олардың әрбірі үшін осы елдерде дауыс беру мүмкіндіктері жасалып қойылған. Құрыш Нұрымбет. Дерек, сурет: Қазақстан Республикасының Қорғаныс министрлігі.