Бокс. «Арландар» алғаш рет жеңілді

АСТАНА. 26 сәуір. Бүкіләлемдік бокс сериясында (WSB) ел намысын қорғайтын «Астана арландары» биылғы маусымда алғаш рет қарсыласына есе жіберді. Кеше түнде Италия боксшыларына қарсы жұдырықтасқан олар 2:3 есебімен жеңілді. Бұл туралы egemen.kz хабарлады. Айқас Италияның Бергамо қаласында өтті. 69 кг.-да бақ сынаған «арланымыз» Асланбек Шымбергенов қарсыласынан басым түссе, аса ауыр салмақтағы (+91 кг.) боксшымыз Филипп Хргович кезекті рет нокаутпен жеңіске жетті. Ал қалған үш спортшымыз қарсыластарына есе жіберіп, «Астана арландары» WSB жобасының биылғы маусымында алғаш рет жеңілді. Бұл – топтық кезеңдегі соңғы кездесу екенін айта кетейік. «Италия тандер» – «Астана арландары» 3:2 52 кг. Гаурав Бидхури – Мирас Жақыпов 2:1 (48:47, 48:47, 45:50). 60 кг. Донато Козенца – Роман Щегринов 3:0 (48:47, 49:46, 48:47). 69 кг. Адам Патрик Нолан – Асланбек Шымбергенов 0:3 (47:48, 46:49, 47:48). 81 кг. Валентино Манфредонья – Хрвое Сеп 3:0 (49:46, 48:47, 48:47). +91 кг. Алессио Спахиу – Филипп Хргович. TKO R2 Бүгінге дейінгі 13 матчтың барлығында жеңіске жеткен Марат Жәкиевтің шәкірттері өз тобында 39 ұпаймен бірінші орын алды. Сондай-ақ, біздің команданың жартылай финал жолдамасын иемденіп қойғаны белгілі. Еламан Қоңыр. Дерек: egemen.kz. Сурет: vesti.kz.