Оқиға • 11 Маусым, 2024

Байқоңырға заңсыз кірмек болған Франция азаматы көз жұмды

43 рет
көрсетілді
1 мин
оқу үшін

Францияның екі азаматы Қазақстандағы Байқоңыр ғарыш айлағының аумағына заңсыз кіруге тырысқан. Жолда аптап ыстықтан олардың бірінің жағдайы күрт нашарлап, көз жұмды, деп хабарлайды Egemen.kz

Байқоңырға заңсыз кірмек болған Франция азаматы көз жұмды

фото: advantour.com

Екі шетелдік «Буран» ғарыш кемесін көргісі келген. 

«Бір күн бұрын Францияның екі азаматы ғарыш айлағының аумағына заңсыз кіруге тырысты. Олар көздеген нысандарына жол арқылы жетуге бел буған. Алайда жолда біреуінің жағдайы күрт нашарлады», делінген жазбаларда.

Екінші азамат досына көмек шақыру үшін жолға қарай жүгірген. Алайда бұл кезде оның досы мерт болған.

Деректерге сүйенсек, оқиға болған күні Байқоңырда ауа температурасы +36 градус болған.