Үкімет • 11 Маусым, 2024

«Әлсіздік байқалады» - Олжас Бектенов әкімдіктерді сынға алды

77 рет
көрсетілді
1 мин
оқу үшін

Премьер-министр Олжас Бектенов Үкімет отырысында өткен аптада Солтүстік Қазақстан облысында болған жөндеу және құрылыс жұмыстарының барысын жақсы деп бағалады. Бұл ретте Үкімет басшысы басқа өңірлер әлі қажетті қарқынды ала-алмай отырғанын атап өтті, деп хабарлайды Egemen.kz Үкіметтің баспасөз қызметіне сілтеме жасап.

«Әлсіздік байқалады» -  Олжас Бектенов әкімдіктерді сынға алды

Фото: Үкімет

«Мен өткен аптада Солтүстік Қазақстан облысына бардым. Жөндеу және құрылыс жұмыстарының қарқыны жақсы. Басқа өңірлер әлі қажетті қарқынды ала-алмай отыр. Тағы да еске саламын – жаз мезгілі қысқа, бәрін белгіленген мерзімде, әрі сапалы етіп жасауға біраз уақыт талап етіледі. Өкінішке қарай, жергілікті билік органдарының жұмысында салғырттық, шешім қабылдауда баяулық, ұйымдастыру ісінде әлсіздік байқалады. Әсіресе Батыс Қазақстан және Атырау облыстарының белсенділігін арттыру қажет. Мерзімдерді мүлдем бұзуға болмайды», деді Олжас Бектенов.
 
Сондай-ақ ол көптеген өңірлерде су тасқынымен күресу үшін құм мен саздан үйінділер жасалғанын атап өтті.

«Ендігі кезекте әкімдіктер бәрін өркениетті түрге келтіру керек. Экологияға зиян келтірмес үшін барлық қапшықтарды алып тастап, кәдеге жарату қажет», деп атап өтті Үкімет басшысы.