Аймақтар • 17 Мамыр, 2024

«Қайықпен қатынайды». Махамбет - Сарытоғай арасындағы жол жабылды

441 рет
көрсетілді
1 мин
оқу үшін

Атырау облысында Жайықтағы су деңгейі шекті мөлшерден 145 сантиметр асып кетті. Осыған байланысты Махамбет ауданындағы тасқын су жағдайы күрделенді, деп жазады Egemen.kz.

«Қайықпен қатынайды». Махамбет - Сарытоғай арасындағы жол жабылды

Фото: gov.kz

Махамбет ауданының ТЖ жөніндегі жедел штабының шешімімен, көп мөлшерде келіп жатқан өр суының бағытын бұру үшін «Махамбет - Сарытоғай» ауылын жалғап жатқан тасжолы жырылды.

Сондықтан екі ауыл арасында күре жолмен байланыс үзіліп, тек қайық тасымалы іске қосылды.

«Сарытоғай ауылынынан Махамбет ауылына жеке көлікпен қатынаушылар «Сейтек» шайханасы жанындағы айналма жолмен өте алады», делінген Атырау облыстық Жедел штаб хабарламасында.