Полиция Талғар тасжолының бойындағы экологиялық бекетте мопед мінген екі ер адамды ұстады. 44 жастағы ер адамның курьерлік сөмкесінен әртүрлі калибрлі 17 патрон және «Grand Power тапаншасы табылды. Алдын ала тексеру барысында аталған қарудың газды тапанша екендігі және травматикалық оқпен атылатындығы анықталып, кейінірек қарудың ұрланғандығы да белгілі болды.
Бұл факт Қазақстан Республикасы Қылмыстық кодексінің 287-бабының 2-бөлігіндегі «Заңсыз қару сақтау» бойынша тіркелді. Белгілі болғандай, сотталушылардың бірі бұрын қарақшылық шабуыл жасағаны үшін сотты болған. Аталған іс бойынша тергеу амалдары жалғасып жатыр.
Алматыда полиция қызметкерлері 44 жастағы курьерден тапанша мен 17 оқ тәркіледі, деп хабарлайды Egemen.kz Polisia.kz-ке сілтеме жасап.
Ертең елдің басым бөлігінде күн райы күрт бұзылады
Ауа райы • Кеше
Батыс Қазақстан облысының төрт ірі су қоймасы 94%-ға толды
Қазақстан • Кеше