Қайғылы оқиға кеше таңға жуық орын алған. Қостанай облысы Төтенше жағдайлар департаменті баспасөз қызметінің хабарлауынша, өрт сөндірушілер 26 қаңтар күні сағат 09:09-да шақырылған. Анықталғандай, жеке тұрғын үйден өрт шыққан.
«Өрт сөндірушілер оқиға орнына сағат 09:17-де жеткен. Құтқарушылар 15 шаршы метрді құрайтын қонақ бөлмедегі жиһаздың барлығы жанып жатқанын анықтады. Үйден газ баллоны шығарылды. Өрт салдарынан 34 жастағы әйел мен оның 6 жасар ұлы қайтыс болды», деп хабарлады ТЖД.
Қазіргі уақытта өрттің шығу себептері анықталып жатыр.
