Қоғам • 24 Қаңтар, 2023

Септігі мол цифрлық карта

56 рет көрсетілді

Атырау облысында өткен жылғы қыркүйекте «Отбасының цифрлық картасы» қанатқақты жобасы іске қосылған еді. Бүгінде жаңа жобаның тиімділігі байқала бастады.

Облыстық жұмыспен қам­ту­ды үйлестіру және әлеу­меттік бағдарламалар басқар­ма­сының басшысы Азамат Мәмбетовтің айтуынша, бұл жоба біраз тұр­ғын­ның уақытын үнемдеуге сеп­тігін тигізіп жатыр.

– Мемлекет басшысының тапсырмасына сәйкес пилоттық режімде қолданысқа енгізілген жобаның қазір тиімділігіне көз жеткізіп отырмыз. Өйткені отба­сының цифрлық картасы – азаматтарға әлеуметтік мәрте­бесіне байланысты кепіл­ден­­дірілген мемлекеттік қолдау шараларын алу құқығы туралы ақпарат беретін электрондық жаршы. Аталған жоба арқылы былтырғы қыркүйек айы­­­нан бері 1 540 адамға sms-хабарлама жіберілді. Содан кейін 700-ден астам атыраулыққа жәрдем­ақы­лар мен әлеуметтік тө­­лем­дер рәсім­делді, – дейді А.Мәмбетов.

Оның айтуынша, «Отба­сы­ның цифрлық картасы» жобасына облыстағы барлық от­ба­­сы мен мүшелері туралы де­ректер енгізілген. Бұл деректер отбасы мен мүшелері мәртебесінің өзге­руіне байланысты жаңартылады.

– Мемлекеттік қолдау шараларын алу құқығы белгіленген адамға қызмет көрсетуге келі­сім алу үшін sms-хабарлама жібе­рі­леді. Оны алған азамат «иә» деп жауап жазған соң, жүйеде ақпарат толық тексеріледі. Ке­лі­сім алғаннан кейін қызмет алу­шының өтініші тіркеледі. Соның нәтижесінде жәрдемақы, әлеу­меттік төлемдер немесе мем­­лекеттік қолдаудың басқа түрлері тағайындалып, кейін алу­шының есепшотына аударылады. Яғни ешкім құжат тапсырып жүрмейді. Сол сияқты өзге де әлеуметтік төлемдерді алуға құқылы азаматтарға да осылай sms-хабарлама жолданады. Тіпті «Отбасының цифрлық картасы» атаулы әлеуметтік көмекті алуды да ұсынады, – дейді А.Мәмбетов.

Жыл басынан бері биыл атау­лы әлеуметтік көмек тағайын­далуы мүмкін 251 азаматқа sms-хабарлама жолданған. Оның ішін­де 181 азаматтан sms-хабар­ла­ма жауап күтіп отыр. Ал 32 адам­ға атаулы әлеуметтік көмек тағайын­дал­ған.

 

Атырау облысы 

Соңғы жаңалықтар

Дипломатияның даму жолдары

Саясат • Бүгін, 08:58

Сөз өнерінің суреткері

Қоғам • Бүгін, 08:50

Еңбек құқығы қорғалады

Еңбек • Бүгін, 08:45

Су басу қаупі жоқ

Төтенше жағдай • Бүгін, 08:40

Ауылға әл беретін несие

Ауыл • Бүгін, 08:30

Бағыты айқын «Respublica»

Партия • Кеше

Ауыл жоқшысы

Отбасы • Кеше

Парасатты полиция

Қоғам • Кеше

Іс көп, судья аз

Құқық • Кеше

Аспалы жолда абайла!

Аймақтар • Кеше

Апатты жағдайдың алдын алды

Төтенше жағдай • Кеше

Тасқынға – тосқын

Аймақтар • Кеше

Сағи жыры

Әдебиет • Кеше

Мәңгіліктің елесі

Әдебиет • Кеше

Бір ойында – 11 гол

Спорт • Кеше

Ұқсас жаңалықтар