Оқиға сағат 12:55-те Жетісу шағын ауданында орын алды.
«№1 қазандықтың екі қабатты ғимаратында (бар болғаны екі қазандық) жылыту қазандығы жарылып, терезе блоктары бұзылған. Қазіргі таңда оқиға себептері анықталып жатыр», делінген қала әкімдігінің хабарламасында.
Департаментте атап өтілгендей, оқиға кезінде бір қазандық жұмыс істеп тұрған.
«Қазір резервтік қазандық іске қосылып жатыр. Зардап шеккендер жоқ. Ауа температурасы -11 градус. Жылу магистралінде 52 градус ыстық. Бұзылған қазандық бір сағат ішінде қалпына келтіріледі», деп қосты әкімдік өкілдері.
Айта кетсек, бұл қазандық 70 Мәскеу темір жолын, 112 ИЖС, басқа да 97 нысанды және сегіз бюджеттік нысанды жылытады.
