Жедел кеңесте Индустрия және инфрақұрылымдық даму министрі Марат Қарабаев Азаматтық авиация комитеті басшысының жаңа орынбасарын таныстырды.
Тимур Тілегенов 2021 жылы Францияның Ұлттық азаматтық авиация мектебін (ENAC) әуе көлігін басқару мамандығы бойынша, 2014 жылы Қазақстан Республикасы Президентінің жанындағы Мемлекеттік басқару академиясын халықаралық қатынастар мамандығы бойынша, 2009 жылы Гумилев атындағы Еуразия ұлттық университетін халықаралық қатынастар мамандығы бойынша үздік бітірді.
Комитет төрағасының орынбасары болып тағайындалғанға дейін Индустрия және инфрақұрылымдық даму министрлігі Азаматтық авиация комитетінің Әуе қатынасы және халықаралық әуе қозғалысын реттеу департаментінің басшысы қызметін атқарған.
2009 жылдың қазан айынан бастап 2019 жылдың қазан айына дейін Азаматтық авиация комитетінде халықаралық қатынастар және әуе тасымалы бөлімінің бас сарапшысы – аға мемлекеттік авиация инспекторы қызметтерін атқарды.
