Топтық кезеңнің соңғы турында Италияның «Миланы» мен Германияның «Лейпцигі» ақырғы екі жолдаманы қоржындарына салды. Алтыншы турда «Милан» өз алаңында «Зальцбургті» 4:0 есебімен тізе бүктіріп, 10 ұпаймен «Е» тобында екінші орын алса, «Лейпциг» бейтарап алаңда Украинаның «Шахтерін» 4:1 есебімен жеңіп, келесі кезеңге шықты.
Осылайша, Чемпиондар лигасының 1/8 финалында Италияның «Милан», «Интер», «Наполи», Англияның «Ливерпуль», «Тоттенхэм», «Челси», «Манчестер Сити», Германияның «Бавария», «Айнтрахт», «Боруссия Д», «Лейпциг», Португалияның «Порту», «Бенфика», Бельгияның «Брюгге», Испанияның «Реал» және Францияның ПСЖ командалары ойнайды.
Плей-офф кезеңінің жеребесі 7 қарашада тартылады.
