Биылғы Азия чемпионатында Қазақстан құрамасының спортшылары жалпы саны жеті жүлде жеңіп алды. Атап айтар болсақ, әйелдер арасындағы тау велосипеді бойынша Алина Сарқұлова алтыннан алқа тақса, Алина Спирина Олимпиада бағдарламасына енген кросс-кантри жарысында чемпион атанды. Сонымен қатар Қазақстан құрамасы эстафетада топ жарды.
Сондай-ақ Виолетта Казакова екі мәрте күміс жүлде жеңіп алса, Денис Сергиенко да бас жүлдеге сынық сүйем қалғанда сүрініп, екінші орынға табан тіреді. Ал Алина Сарқұлова (екінші жүлдесі) ел қоржынына қола медаль салды. Осылайша, жалпыкомандалық есепте 3 алтын, 3 күміс, 1 қоламен Қазақстан құрамасы 1-орын алды.
