«Біз бұл ақпаратты екі жылға жуық уақыт бойы сұрап келеміз, бірақ Ереван ресми деректермен бөлісуден бас тартады», деді Әзербайжан президенті Қазақстанның елордасында өтіп жатқан Азиядағы өзара іс-қимыл және сенім шаралары жөніндегі кеңестің VI саммитінде.
Ильхам Әлиев өткен жылдың соңындағы бірінші Қарабақ соғысы кезінде Әзербайжанның 3,9 мыңға жуық азаматы хабар-ошарсыз кеткенін еске салды.
«Армения Әзербайжанның бейбіт тұрғындары мен әскери қызметкерлеріне қарсы жүйелі түрде әскери қылмыстар жасады. Жоғалған адамдардың көпшілігі азаптауларға ұшырап, еш себепсіз өмірлерінен айырылып, жаппай қабірлерге жерленді», деп атап өтті Әлиев.
Ол сондай-ақ, биылғы жылдың басынан бастап Әзербайжанның азат етілген екі ауылында жаппай жерлеу орындары табылғанын хабарлады.
Президент Әлиев Әзербайжандағы жарылғыш заттардың қаупі мәселесіне де назар аударды.
Оның айтуынша, Әзербайжан ең көп мина саны бар елдердің қатарына кіреді. Алдын ала есептеулер бойынша, қаһарлы соғыс уақытында Армения миллионнан астам мина орнатқан.
«Халықаралық сарапшылардың бағалауы бойынша, Әзербайжан жерлерін минадан тазарту үшін шамамен 30 жыл және 25 млрд АҚШ доллары қажет. Әзербайжан өз ресурстары есебінен оккупациядан босатылған аумақтарда ауқымды жасампаздық жұмыстар жүргізіп жатыр», деп атап өтті Әлиев.
Әзербайжан көшбасшысы Қарабақ қақтығысы реттелгеніне қарамастан, Армения шекарада арандатушылық әрекеттерін жалғастырып жатқанын атап өтті.
«Әзербайжан армиясы Арменияның әскери арандатушылығын тоқтату үшін терроризмге қарсы күшті операцияны бастауға мәжбүр болды. Барлық арандатушылықтар үшін жауапкершілік Арменияның әскери-саяси басшылығына жүктеледі», деп атап өтті Түркия президенті.
Ол сондай-ақ 2022 жылдың алғашқы тоғыз айында Әзәрбайжан аумағы арқылы транзит шамамен 65 пайызға өскенін хабарлады.
