«Air Astana» алғаш рет жөндеудің бірінші түрін – 2019 жылдың қараша айында Алматы әуежайындағы өзінің инженерлік-техникалық орталығында Airbus A320 нео ұшағын C-check жүргізген.
C-check (si-check) – 15-24 ай сайын немесе 7500 ұшу сағатында орындалатын техникалық қызмет көрсету түрі. Бұл сынақ ұшақты белгілі бір уақыт кезеңінде (шамамен екі апта) пайдалану үшін шығаруды талап етеді. Бұл тексерудің уақыты көптеген факторларға, атап айтқанда, әуе кемесінің түріне байланысты.
Ал 2021 жылдың қараша айында авиакомпания Нұр-Сұлтан әуежайындағы өзінің инженерлік-техникалық орталығында Airbus A321 ұшағын жөндеудің күрделі түрін жүргізген.
2021 жылдың күзінде «Air Astana» кешенді техникалық қызмет көрсету бойынша EASA (Еуропалық авиациялық қауіпсіздік агенттігі) сертификатын алды. Бұрын техникалық қызмет көрсетудің мұндай түрлері Еуропада, Ресейде және Қытайда ғана жүргізілген.
Ендігі кезекте 2022 жылдың 11 наурызында «Air Astana» Ресейге барлық рейстерді тоқтатты.
Асемай Ерланқызы
