Пескара мен Ези қалаларын жалғаған 196 шақырымдық жолды Intermarche-Wanty-Gobert Materiaux командасының эритреялық велошабандозы 4 сағат 32 минут 7 секундта жүріп өтті. Жеңімпазбен мәре сызығын бірге кескен «астаналық» Фабио Феллини мен Винченцо Нибали 12 және 15-орындарға жайғасты.
10-кезеңнен кейін де жалпы есептегі үздіктер өзгеріссіз қалды. Хуан-Педро Лопес (Trek-Segafredo), Джоау Альмейда (UAE Team Emirates) және Ромен Барде (Team DSM) бұрынғыша алғашқы үш орынды өзара бөлісіп келеді. Ал «Астана» велокомандасының өкілі Винченцо Нибали 13-орында тұр.
