«Түлкібас ауданының екі тұрғынында сібір жарасы анықталды. Қазір олардың бірі Ақмола облысында, біреуі Түркістан облысында емделуде. Науқастардың жағдайы тұрақты, жақын арада олар ауруханадан шығарылады», деп хабарлады облыстың санитарлық-эпидемиялық бақылау департаменті.
Онда науқас жануарлардың еті Жамбыл облысынан әкелінгендігі айтылған. Қазіргі таңда ет қайдан сатып алынғаны және кім тасымалдағаны қарастырылуда.
«Құрметті облыс тұрғындары, ет және ет өнімдерін ветеринарлық анықтамасы бар, тексерілген жерлерден ғана сатып алуларыңызды сұраймыз!», деді Түркістан облысының санитарлық-эпидемиялық департаменті.
Аяна Тоғанбек
