ШҚО Полиция департаменті баспасөз қызметі таратқан мәліметке зер салсақ, полицейлер Ұлан ауданы тұрғынының үйінде заңды тексеріс жүргізген. Белгілі болғандай, үйде заңсыз сақталған атыс қаруының бірнеше түрі мен оқ-дәрілер табылған.
«Барлығы 4 мылтық тәркіленді. Нақты айтқанда, калибрі 5,6 мм «ТОЗ» маркалы бір ойық мылтық және 16 калибрлі тегіс ұңғылы үш мылтық. Аталған факті бойынша 54 жастағы күдіктіге қатысты ҚР ҚК-нің 287 бабы 3 бөлігіне сәйкес сотқа дейінгі тергеу амалдары жүргізілуде», деді облыстық ПД бастығының орынбасары Талғат Шаяхметов.
Егер азамат айыпты болып танылса, 5 жылға дейінгі мерзімге бас бостандығынан айырылуы ықтимал.
