Елорда • 18 Шілде, 2021

Елордадағы қоғамдық көліктер қалай дезинфекцияланады?

157 рет

көрсетілді

1 мин

оқу үшін

Елордада қоғамдық көлік жүргізушілері күн сайын өз ауысымынан кейін автобусына дезинфекция жасайды. Тұтқа мен орындық, есік, валидатор және жолаушылар ұстайтын жердің бәрі сүртіледі. Автобус салоны желдетіледі, деп жазады Egemen.kz елорда әкімдігінің ресми сайтына сілтеме жасап.

Әсел САРҚЫТ

Елордадағы қоғамдық көліктер қалай дезинфекцияланады?

Нұр-Сұлтан қаласының бас мемлекеттік санитарлық дәрігерінің қаулысына сәйкес, елордада сенбі-жексенбі күндері қоғамдық көліктің жұмысы тоқтатылды. Бұл күндері автобустар мен автопарктерде дезинфекция жұмыстары жүргізіледі.

«Автопаркіміздің қала бойынша төрт орны бар. Қарамағымыздағы 778 автобус жұртшылыққа қызмет етеді. Дәл қазір біз тұрған негізгі кеңседе автобус жуатын екі орын бар. Мұнда күніне 300-ге жуық қоғамдық көлік жуылады. Жуылғаннан кейін міндетті түрлі дезинфекциялық өңдеуден өтеді. Яғни әр автобус күніне бір рет жуылып, бір рет өңделеді. Осыған дейін автобустар жексенбі күндері ғана тоқтатылып, дезинфекцияланатын. Енді осы аптадан бастап, елорданың бас мемлекеттік санитарлық дәрігерінің қаулысына сәйкес, өңдеу жұмысы сенбі, жексенбі күндері жүргізілетін болады», дейді «№1 автопарк» АҚ басқарма төрағасы Бауыржан Тілеуберген.

Басқарма төрағасының айтуынша, дезинфекция жұмысын арнайы оқудан өткен мамандары жүргізеді.

«Дезинфекция жұмысын автопарктің сертификатталған мамандары жүргізеді. Оларды арнайы оқытып, сынақтан өткіздік. Ал өңдеу жұмысына адам денсаулығына зияны жоқ, мектепке дейінгі ұйымдарда, мектептерде, ауруханаларда қолданылатын ерітінді пайдаланылады. Дезинфекция қоры жеткілікті», дейді автопарк басшысы.