Футбол • 03 Шілде, 2021

EURO-2020: Жартылай финалға шыққан екі құрама белгілі болды

210 рет
көрсетілді
1 мин
оқу үшін

Испания мен Италия құрамалары футболдан Еуропа чемпионатының жартылай финалына шықты, деп хабарлайды Egemen.kz.

EURO-2020: Жартылай финалға шыққан екі құрама белгілі болды

Ширек финалда Санкт-Петербургте Испания Швейцарияны пенальти сериясында жеңді. Матчтің негізгі уақыты 1:1 есебімен аяқталды. Ойынның 8-минутында швейцариялық Денис Закария допты өз қақпасына соғып алды. 

Ал 68-минутта Джердан Шакири таразы басын теңестірді. Бірнеше минуттан соң Ремо Фройлер қызыл қағаз алып, Швейцария құрамасы он ойыншымен қалған. 

Матчтің 90 минуты мен екі экстра-таймда да гол соғылмады. Ал пенальти сериясында Испания ойыншылары жеңіске жетті. 

Ал ширек финалдың екінші матчінде Италия Бельгияны қапы қалдырды. Ойын 2:1 есебімен аяқталды. 

Ойынның 31-минутында италиялық Николо Барелла есеп ашты. Ал 44-минутта Лоренцо Инсинье әдемі гол соғып, Италия құрамасы есепті ұлғайтты. 

Бірінші таймның соңында Ромелу Лукаку пенальтиден гол салып, есеп айырмашылығын қысқартқан. Бірақ екінші таймда бельгиялықтар таразы басын теңестіре алмады. 

Енді жартылай финалда Италия мен Испания кездеседі. Бұл матч 6 шілдеде «Уэмбли»стадионында өтеді.  

Соңғы жаңалықтар

Әлібидің жарқын жеңісі

Жекпе-жек • Кеше

Қоқыс импорттайтын мемлекет

Ғалам ғажаптары • Кеше

Төрт жылда бір келетін мүмкіндік

Ғалам ғажаптары • Кеше

Бирма жазуының сыры

Ғалам ғажаптары • Кеше

Жұмбақ Ницше

Мың бір мысал • Кеше

Заманауи киіз үй

Өнер • Кеше

Экобуккроссинг сөресі іске қосылды

«Таза Қазақстан» • 25 Шілде, 2025