Әлем • 08 Маусым, 2021

Атамбаевтың жағдайы ауыр екені айтылды

329 рет

көрсетілді

1 мин

оқу үшін

Қырғызстанның бұрынғы президенті Алмазбек Атамбаевты шұғыл ауруханаға жатқызу керек. Бұл туралы оның адвокаты Замир Жоошев мәлімдеді, деп хабарлайды Egemen.kz.

Гауһар ҚАПАШ

Оның айтуынша, қорғалушысында инфаркт болуы мүмкін, бұрынғы аурулары да асқынып кеткен. Атап айтқанда, арқадағы ауырсыну күшейе түсті. Алайда бір ай бұрын тағайындаған сот-медициналық сараптама әлі аяқталған жоқ.

Адвокаттың сөзінше, 148 парақ медициналық тарихының көшірмесі судьяларға берілген. Ол сараптама тағайындалғанын атап өтті.

«Алмазбек Атамбаев кешенді емдеуді қажет етеді. Ол оны колония жағдайында ала алмайды. Біз оны ауруханаға жатқызу үшін санкцияны үйқамаққа өзгертуге бірнеше рет өтініш жазғанбыз. Бірақ келісім бермей жатыр», деді Замир Жоошев.

Еске салайық, Алмазбек Атамбаевқа қатысты бірнеше қылмыстық іс қозғалды, оның ішінде 2019 жылғы 7-8 тамызда болған Қой-Таш ауылындағы тәртіпсіздіктер, сыбайлас жемқорлық деректері және қылмыстық кірістерді заңдастыру істері бар. Қаңтарда Қырғызстанның экс-президенті тергеу изоляторынан колонияға ауыстырылды.