Жол апаты 13 наурызда сағат 13:10-да Исатай ауданы, Х. Ерғалиев ауылының тұсымен өтетін «Атырау-Астрахан» бағытындағы айналма жолда болған.
«Гелиос» ЖШС-не тиесілі дизель отынын тасымалдайтын «КамАЗ» көлігі аударылды. Апат салдарынан дизель төгіліп, топырақ ластанды. Аталған дерекке қатысты облыстық экология департаментінің мамандары оқиға орнына барып, тексеру жүргізді. Химиялық талдау үшін топырақ сынамасы алынды. Тексеру нәтижесімен «Гелиос» ЖШС әкімшілік жауапкершілікке тартылып, 291 700 теңге айыппұл салынды» деп хабарлады департаменттің баспасөз қызметі.
«Гелиос» ЖШС-нің мамандары ластанған аумақты тазартты.
