Әйгілі жаттықтырушы Фредди Роучтың Wild Card Boxing Gym бокс залында өтетін жекпе-жекте жерлесіміз жеңілістің кермек дәмін татпаған АҚШ боксшысы Чарльз Конуэллмен (13-0, 10 КО) жұдырықтасады. Айқас бірінші орта салмақ дәрежесінде өтеді және кездесу он раундқа есептелген.
Айта кетейік, боксшылардың статистикасын жүргізетін BoxRec.com басылымы отандасымыздың алдағы жекпе-жегін үш жұлдызға бағалап отыр. Бұл – Әшкеевтің жекпе-жегіне берілген ең жоғары баға. Әйгілі басылым бұған дейін отандасымыздың 2019 жылдың мамыр айында америкалық Сесил МакКаламен өткен кездесуін екі жұлдызға бағалаған болатын.
