Олардың арасында 2051 көпбалалы отбасы бар. Сондай-ақ 12059 мемлекеттік және бюджет қызметкері өтініш беріпті. Ал, 1141 адам жетім, 160 адам апатты үйдің тұрғыны ретінде, әлеуметтік тұрғыдан қорғалмаған санаттағы 6121 отбасы да тізімге тіркеліп отыр.
–Былтыр «Нұрлы жер» бағдарламасымен 246, биылғы бірінші тоқсанда 252 пәтер берілді. «Бақытты отбасы» бағдарламасы аясында өткен жылы 72 отбасы баспанаға ие болды. Биыл бұл бағдарламамен үй алуға 118 адам өтініш берді. Тізімге тіркелген тұрғындар кезегін электронды үкімет порталы арқылы бақылай алады, деді Рафхат Жолдиев.
Оның айтуынша, қазір Атырауда апатты деп танылған көпқабатты 79 үй бар. Оның 10-ы – жатақхана.
