Кеше елордадағы “Журналистер үйінде” Орыс православие шіркеуі Астана мен Алматы епархиясының жаңа басшысы архиепископ Александр БАҚ өкілдерімен баспасөз конференциясын өткізді. 53 жастағы пірәдар алғашқы сөзін осы басқосуға келген қалам иелеріне алғысын білдіруден бастады.
– Астана мен Алматы епархиясы дінаралық және конфессияаралық әріптестікті нығайта беруге мүдделі. Сондай-ақ дәстүрлі діндер бірлестігі өкілдерімен бірлесе отырып, ортақ жобаларды атқаруға, Қазақстанның бірқатар қалаларында дінаралық және ұлтаралық қатынастарда бейбітшілік пен ынтымақтастықты дамыту жолында жұмыстар жасауға ынталы, – деді ол.
Аталған қызметке наурыз айында Орыс православие шіркеуі Синодының шешімімен тағайындалған архиепископ Александр Ресейдің Киров қаласында дүниеге келген. Алғаш Ленинградта діни семинарияда білім алған соң, Мәскеу Дін академиясына түсіп, оны 1990 жылы бітіріп шығады. Бірнеше мемлекеттік наградалар мен шіркеу ордендерінің иегері.
Әбдірахман ҚЫДЫРБЕК.
АСТАНА.
Соңғы жаңалықтар
6 679 отбасы әлеуметтік көмек алды
Қоғам • Бүгін, 08:50
Су тасқыны • Бүгін, 08:45
Қоғам • Бүгін, 08:40
Есепке алудың электронды жүйесі
Үкімет • Бүгін, 08:35
Тағзым • Бүгін, 08:30
Президент тапсырмасының жүзеге асуын тексерді
Аймақтар • Бүгін, 08:25
