Францияның Марсель қаласында өтіп жатқан Open 13 Provence турнирінде 22 жастағы Бублик ATP рейтингінде 20-орында тұрған жергілікті спортшы Бенуа Пэрамен күш сынасып, үш сетке созылған бәсекеде 3:6, 6:4, 6:4 есебімен жеңіске жетті. Енді отандасымыз жартылай финалда өнер көрсету үшін Марин Чилич (Хорватия) пен Денис Шаповалов (Канада) жұбының жеңімпазымен сынға түседі.
Ал Дубайда өтіп жатқан WTA Premier турнирінің іріктеу кезеңінде Елена Рыбакина чехиялық Катарина Синяковамен шеберлік сынасты. Бір сағатқа созылған кездесуде Рыбакина қарсыласын екі сетте 6:3, 6:3 нәтижесімен қапы қалдырды. Отандасымыз ширек финалда тағы бір чехиялық спортшы Каролина Плишковамен жартылай финалдың жолдамасын сарапқа салады.
