Кәсіпқой бокс кешінде отандасымыз намибиялық Уолтер Каутондоквамен (18-1, 17 КО) кездеседі. Бұл жекпе-жекте Қанат Ислам өзінің бірінші орта салмақта WBO International белдігін қорғайды. Каутондоква әлемдік Boxrec сайтының мәліметі бойынша, үздік ТОП-30 боксшының қатарында. Ол рейтингте 24-орында тұр. Ал WBO нұсқасы бойынша ТОП-10 боксшының тізімінде 10-шы сатыға жайғасқан.
Естеріңізге сала кетсек, Уолтер Каутондоква 2018 жылы WBO-ның орта салмақтағы чемпионы Деметриус Андрадемен (26-0, 17КО) кездесіп, жеңіліп қалған болатын. Бұл намбиялық боксшының спорт жолындағы әзірге жалғыз жеңілісі.
