"Оқиға орнына қажетті көлемде жедел жәрдем көліктері жетті. Қарасай ауданының әкімі Жандарбек Далабаев бастаған тиісті сала басшылары оқиға орнында. Жақын маңдағы ауруханалар күшейтілген режимде жұмыс істеп жатыр. Қосымша ақпарат толықтырылып беріледі", - деді бізге Алматы облысы әкімінің баспасөз хатшысы Ғалымұрат Жүкел.
Ал Алматы облыстық Полиция департаменті баспасөз қызметінің жетекшісі Сергей Незнаев: «Бүгін 19 сағат 30 минутта «Алматы–Қостанай» бағытына қатынайтын пойыз автобуспен соқтығысты. Оқиға орнында автобус жүргізушісі мерт болды. Тағы үш адам түрлі дене жарақатымен ауруханаға жеткізілді. Оның екеуі бала, біреуі әйел адам. Бұл факті бойынша ҚР ҚК 345-бабының 3-ші тармағына сәйкес тергеу жүріп жатыр», - деп жауап берді.
