Майдангерлер ерлігіне құрмет

9 мамыр күні Ұлы Отан со­ғы­сындағы Жеңістің 66 жылдығына орай Астанадағы «Отан қорғау­шы­лар» монументіне гүл шоқ­тарын қою рәсімі өтті. Фашистік бас­қыншылармен күресіп, қан майданнан оралмаған қазақ­стан­дық жауынгерлерге құрмет көр­се­ту шарасына Үкімет басшысы Кәрім Мәсімов бастаған бірқатар мемлекет қайраткерлері, астана­лықтар мен қала қонақтары қатысты. Гүл шоқтарын қою рәсімі аяқталған соң, бір минөт үнсіздік жарияланып, еліміз Әнұраны ор­ын­далды. Бұдан кейін салта­нат­ты шараға қатысушылар әйгілі композитор М.Матусовскийдің «Қай­дасыңдар, қарулас дос­та­рым» атты әнінің әуенін тыңдай жүріп, қаз-қатар тігілген шатыр­лар жаққа бет алды. Онда ардагерлер дәстүрлі қарақұмық бот­қа­сынан дәм татса, театр әр­тіс­тері майдангерлер құрметіне театр­ландырылған көріністер қой­ды. Сондай-ақ осы күні ел­орданың түрлі алаңдарында өзге де шаралар өтіп, соғыс жыл­дарындағы әндер шырқалды. Әбдірахман ҚЫДЫРБЕК. ----------------------------------- Суретті түсірген Ағыбай АЯПБЕРГЕНОВ.