Қазақстан Ғалымдары одағының төралқа жиынында билік тармақтарын қайта бөлу жайындағы Елбасы Нұрсұлтан Назарбаевтың халыққа Үндеуі қызу талқыланды. Осыған орай, отырыста айтылған терең ой, тұщымды пікірлердің бір үзігін назарларыңызға ұсынамыз.
Оразалы СӘБДЕН, академик:
– Менің Парламенттің бұрынғы 4 рет сайланған депутаты ретінде әрі кәсіби маман ретінде айтарым, алдымызда сара жол ашылмақшы. Әдеттегідей, мақұлға салып, бәрі жақсы деп бас шұлғап отыра берсек, ештеңе шықпайды. Халық «Баяны жоқ ерден без, байлауы жоқ сөзден без» дейді. Ендеше, сөзбұйданы қойып, нақты іске көшетін кез келді. Бәлкім, мен қателесетін шығармын, бірақ сыртқы және ішкі жағдайымызды қарасақ, мұның бізге берілген бірден-бір мүмкіндік екені анық.
Нұрсәуле БІРІМБЕТОВА, экономист ғалым:
– Экономика мен әлеуметтік жағдайдың нығаюы – басқарудың жаңғыртуымен тікелей байланысты. Сондықтан, конституциялық реформа осыған өзінің әсерін тигізеді, себебі, Парламенттің рөлі күшейсе, заңдардың сапасы жақсарады. Бұл – басқару жүйесінің тиімділігі артады деген сөз. Осы бір-бірімен тығыз байланысты жағдайларды дұрыс шешуге білікті, ақылды мамандар керек. Сондықтан да реформаны тиімді іске асыруға мықты кадрлық саясат қажет. Мақсатқа жету үшін шылбырды дұрыс ұстап, даңғыл жолға шығуға болады.
Аманжол ҚОШАНОВ, академик:
– Бізде бір палаталы Парламент болуы керек. Қазіргі Парламенттің құрамы, оның кәсіби деңгейі соны өзгерістерді талап етеді. Сондықтан, Парламентті түбегейлі жаңартқан абзал. Бір мандатты жүйе бойынша, Парламенттің 50 пайызын партиялар құраса, қалған 50 пайызын жергілікті жерден халық сайлауы керек.
Жазып алған
Нұрлыбек ДОСЫБАЙ,
«Егемен Қазақстан»
Оразалы СӘБДЕН, академик:
– Менің Парламенттің бұрынғы 4 рет сайланған депутаты ретінде әрі кәсіби маман ретінде айтарым, алдымызда сара жол ашылмақшы. Әдеттегідей, мақұлға салып, бәрі жақсы деп бас шұлғап отыра берсек, ештеңе шықпайды. Халық «Баяны жоқ ерден без, байлауы жоқ сөзден без» дейді. Ендеше, сөзбұйданы қойып, нақты іске көшетін кез келді. Бәлкім, мен қателесетін шығармын, бірақ сыртқы және ішкі жағдайымызды қарасақ, мұның бізге берілген бірден-бір мүмкіндік екені анық.
Нұрсәуле БІРІМБЕТОВА, экономист ғалым:
– Экономика мен әлеуметтік жағдайдың нығаюы – басқарудың жаңғыртуымен тікелей байланысты. Сондықтан, конституциялық реформа осыған өзінің әсерін тигізеді, себебі, Парламенттің рөлі күшейсе, заңдардың сапасы жақсарады. Бұл – басқару жүйесінің тиімділігі артады деген сөз. Осы бір-бірімен тығыз байланысты жағдайларды дұрыс шешуге білікті, ақылды мамандар керек. Сондықтан да реформаны тиімді іске асыруға мықты кадрлық саясат қажет. Мақсатқа жету үшін шылбырды дұрыс ұстап, даңғыл жолға шығуға болады.
Аманжол ҚОШАНОВ, академик:
– Бізде бір палаталы Парламент болуы керек. Қазіргі Парламенттің құрамы, оның кәсіби деңгейі соны өзгерістерді талап етеді. Сондықтан, Парламентті түбегейлі жаңартқан абзал. Бір мандатты жүйе бойынша, Парламенттің 50 пайызын партиялар құраса, қалған 50 пайызын жергілікті жерден халық сайлауы керек.
Жазып алған
Нұрлыбек ДОСЫБАЙ,
«Егемен Қазақстан»
