Эрик Болдуин: Джейкобс Головкин үшін оңай қарсылас емес

Boxingnews24.com тілшісі Эрик Болдуин 18 наурыз күні Геннадий Головкин (36-0, 33 КО) мен Дэнниэл Джейкобс (32-1, 29 КО) арасында өтетін жекпе-жек жайлы өз пікірін білдірді. Бұл туралы sports.kz хабарлады. «Бәлкім бұл Головкиннің мансабындағы ең ауыр жекпе-жек болар. Бірақ жаттықтырушысының айтуынша ол Джейкобсты еш қиындықсыз жеңе алады екен. Ескере кету керек, америкалық оңай қарсылас емес, оған асқан сақтықпен қарау қажет. GGG-дің қысымына төтеп бере алатын бірден-бір спортшы. Орайы келген сәтте жойқын соққыларын бағыттап, жылдамдығын үдете алады. Дэнни не істеуі керек екенін жақсы біледі. Дегенмен, Головкиннің күшіне қарсы тұру да қиынның қиыны», ­– деп жазады автор. Айта кетейік, қос боксшының арасындағы кездесу 18 наурыз күні АҚШ-тың Нью-Йорк қаласындағы Madison Square Garden аренасында өтеді.